Grupo Intxausti Gernika Rugby Taldeak denboraldiko bigarren porrota jaso du Recoletas Burgos – Universidad de Burgos taldearen aurka jokatutako neurketan. San Amaron, talde burgostarraren zelaian jokatu du talde bizkaitarrak Ohorezko Mailari dagokion bigarren jardunaldia; Eduardo Maidaganen taldea ez da etxeko taldea mendean hartzeko gai izan, eta 34 eta 13 galdu dute.
Parez pare Unió Esportiva Santboiana izan dute gernikarrek, Baldiri Aleu, talde kataluniarraren zelaian jokatutako neurketan. Ohorezko Mailari dagokion lehen jardunaldi honetan, Santboiana 48 eta 15 nagusitu zaio Grupo Intxausti Gernika Rugby Taldeari.
Estatuko goren mailako txapelketa igandean, urriaren 3an hasiko dute basurdeek, Baldiri Aleu, UE Santboiana talde kataluniarraren zelaian.
Club Rugby La Vila nagusitu da Ohorezko Mailara igoera faseko finalean. Talde alacantarrak
26 eta 22 gainditu du Gernika Rugby Taldea El Pantanon jokatutako neurketan, zuzenean
Ohorezko Mailako talde bihurtuz. Gauzak horrela, Gernikak hamabost egunen buruan beste
aukera bat izango du igoera lortzeko: Mazabi Santander Independiente RC, Ohorezko Mailako
azken aurreko sailkatuaren aurka jokatu beharko du.
Gernika Rugby Taldea Ohorezko Mailara igoera faseko finalera sailkatu da. Pozuelo Rugby Union talde madrildarra izan dute parez pare gernikarrek Urbietan jokatutako neurketan. Neurketa 23 – 20 bukatu da, eta gernikarrek CR La Vilaren aurka jokatuko den finalerako sailkapena lortu dute.
Gernika Rugby Taldea Ohorezko Mailara igoera faseko finalaurrekora sailkatu da Fénix Club de Rugby talde zaragozarra gaindituta. Talde bizkaitarra 20 eta 08 nagusitu da Urbietan jokatutako neurketan.